VEM, SANTO ESPÍRITO

1-Veni, Creator Spíritus,
Mentes tuorum visita,
Imple superna gratia
quae tu creasti pectora.

2-Qui diceris Paraclitus,
donum Dei altissimi,
fons vivus, ignis, caritas
et spiritalis uncio.

3-Tu septiformis munere,
dexterae Dei tu digitus,
tu rite promissum Patris
sermone ditans guttura.

4-Accende lumem sensibus,
infunde amorem cordibus,
infirma nostri corporis
virtute firmans perpeti.

5-Hostem repellas longius,
pacemque dones protinus,
ductore sic te praevio
vitemus omne noxium.

6-Per te sciamus da Patrem,
noscamus atque Filium,
te utriusque Spiritum
credamus omni tempore.
Amen.